Қазақстандағы қалааралық трассаларда қанша электр қуаттау станциясы бар

Халықаралық және республикалық маңызы бар трассалардың бойында 62 электр қуаттау станциясы (ЭҚС) бар. 2034 жылға дейін тағы 250 станция орнату жоспарлануда, деп хабарлайды Көлік министрлігінің баспасөз қызметі AutoReport редакциясының ресми сауалына берген жауабында.

Трассалардағы электромобильдерге арналған қуаттау станцияларының ең көп бөлігі Жамбыл және Алматы облыстарында орналасқан. Сонымен қатар, бірқатар өңірлерде олар мүлдем жоқ.

Өңірлер бойынша ЭҚС саны:

• Алматы облысы – 12 бірлік;
• Жамбыл облысы – 12;
• Ақмола облысы – 8;
• Қарағанды облысы – 8;
• Түркістан облысы – 5;
• Атырау облысы – 4;
• Павлодар облысы – 3;
• Қызылорда облысы – 3;
• Қостанай облысы – 2;
• Жетісу облысы – 2;
• Батыс Қазақстан облысы – 1;
• Солтүстік Қазақстан облысы – 1;
• Маңғыстау облысы – 1.

Осылайша, Абай, Ұлытау, Шығыс Қазақстан және Ақтөбе облыстарында бірде-бір ЭҚС жоқ.

Сонымен қатар, Көлік министрлігі 2034 жылға дейін сауда және қызмет көрсету нысандары, санитарлық-тұрмыстық бөлмелері, электр қуаттау станциялары мен күн энергетикалық қондырғылары бар 250 заманауи жол бойы сервисі станциясын орнату жоспарланып отырғанын хабарлады. Тиісті келісім Car Park Transformer ЖШС компаниясымен жасалған.

Ведомство жобаны қаржыландыру инвестордың өз қаражаты есебінен жүзеге асырылатынын атап өтті. Жобаны жүзеге асыру тікелей шетелдік инвестицияларды тартуға, жаңа жұмыс орындарын құруға, жол бойы сервисі нысандарының желісін кеңейтуге және электромобильдерге арналған инфрақұрылымды дамытуға мүмкіндік береді.

Айта кетейік, бір жыл бұрын Қазақстанда халықаралық және республикалық маңызы бар трассалар бойында 45 ЭҚС бар болатын. 2026 жылдың тамызында "ҚазАвтоЖол" ҰК АҚ олардың нақты қай жерде орналасқанын айтып берген еді.