Дрифт және мас күйде жүргізу: Қазақстанда ЖҚЕ-ің қандай бұзушылықтары анықталды
Бір аптада 10 мыңға жуық ЖҚЕ бұзушылығының жолы кесілді.
AutoReport редакциясы
Өткен аптада, 2026 жылдың 28 қыркүйегі мен 4 қазаны аралығында Қазақстан полициясы жол қозғалыс ережелерінің 10 мыңға жуық бұзушылығының жолын кесті, деп хабарлайды Polisia порталы.
Ішкі істер министрлігінің мәліметінше, олардың арасында автокөлікті мас күйінде басқарудың 201 фактісі бар. Полиция қызметкерлері мысал ретінде Үштөбе қаласындағы (Жетісу облысы) оқиғаны атап өтті. Онда құқық қорғау органдарының қызметкерлері мас күйінде болған Toyota Marino маркалы көліктің 34 жастағы жүргізушісін тоқтатқан. Ол 15 тәулікке қамауға алынып, жеті жылға жүргізуші куәлігінен айырылды.
Дрифт пен қауіпті жүргізу фактілерінің жолын кесу бақылауда тұр, деп мәлімдейді полициядағылар. Соңғы аптада мұндай бұзушылықтар Астана, Қостанай және Шымкент қалаларында анықталды.
Мысалы, елордада екі жас жүргізуші Шәмші Қалдаяқов көшесінде дрифт ұйымдастырған. Екеуі де 10 тәулікке қамауға алынды. Көліктер арнайы автотұраққа қойылды. Қостанайда дрифт бейнебақылау камераларына түсіп қалған. Жүргізуші тез арада анықталды. Белгілі болғандай, ол жыл басынан бері ЖҚЕ бұзғаны үшін 16 рет жауапкершілікке тартылған екен. Сот оған 15 тәулік қамау тағайындады. Шымкентте Mercedes-Benz маркалы көліктің 18 жастағы жүргізушісі дрифт ұйымдастырып, түнде тыныштықты бұзған. Ол да 10 тәулікке қамауға алынды.
Еске сала кетейік, Ішкі істер министрлігі Құрылтайдың қарауына заң жобасын енгізуді жоспарлап отыр, оған сәйкес жол қозғалыс ережелерін бұзған жүргізушілерге айыппұлдармен қатар, қайталама әрі ауыр бұзушылықтар үшін жүргізуші куәлігінің қолданылуы бір жылға тоқтатылатын болады.
