Toyota Camry жапон нарығына оралады

Toyota өзінің ішкі Жапония нарығында танымал Camry седанын сатуды қайта жандандыруды жоспарлап отыр. Ресми анонс 2026 жылдың 2 қыркүйегінде өтуі тиіс болған. Модель күзде сатылымға түседі деп күтілуде, деп жазады Creative Trend порталы.

Жапонияда тек алдыңғы жетекті Toyota Camry классикалық гибрид ретінде 2,5 литрлік қатарлы төрт цилиндрлі атмосфералық қозғалтқышпен қолжетімді болады. Комплектациясына байланысты автомобильге 16 дюймдік немесе 18 дюймдік алюминий дискілер орнатылады.

Айта кетерлігі, Toyota Camry Жапонияға АҚШ-тан жеткізілетін болады. Джорджтаун қаласындағы (Кентукки штаты) Toyota Motor Manufacturing Kentucky зауытында Күншығыс елінің нарығы үшін арнайы оң жақ рөлді модель өндірісі басталды.

Еске сала кетейік, Жапонияда Toyota Camry сатылымы 2023 жылдың соңында тоқтатылған еді. Себебі – Жапонияда бұл модельге сұраныстың төмендігі. 2022 жылы дилерлер бұл модельдің небәрі алты мың жаңа автомобилін сатқан.