Xiaomi гибридті автокөліктер нарығына шығып жатыр
Компания екі модельді таныстырды.
AutoReport редакциясы
Қытайдың Xiaomi технологиялық компаниясы гибридтер нарығына қадам басқанын айғақтап, өзі әзірлеген Kunlun автокөлік архитектурасын таныстырды, деп жазады Chinadaily порталы.
Kunlun — көліктің жүру қорын арттыруға мүмкіндік беретін, сондай-ақ жоғары қауіпсіздік пен кеңейтілген салонды қамтитын мамандандырылған платформа.
Xiaomi сонымен қатар өзінің SkyNomad суббрендімен екі гибридті автокөлікті таныстырды: жеті орындық N90 және бес орындық N70. Бұл модельдердің дебюті 2026 жылдың қыркүйек айында күтілуде. Екі автомобиль де Kunlun архитектурасы негізінде әзірленген.
Еске сала кетейік, 2026 жылдың қаңтар-маусым аралығында қытайлық компаниялар 15 млн жаңа автокөлік сатты. Бұл өткен жылдың ұқсас кезеңімен салыстырғанда 4,1%-ға аз. Ал жергілікті нарықтағы сату көлемі шамамен төрттен бірге төмендегенімен, бұл шығын экспорттың өсуімен өтелді.
