Changan CS75 Pro Қазақстанда КҚҮМ алды

Жеті орынды Changan CS75 Pro кроссовері Қазақстанда көлік құралының үлгісін мақұлдау құжатын алды. Сатудың басталатын күні мен бағасы әлі белгісіз.

Автокөліктің ұзындығы – 4 748 миллиметр, ені – 1 870 миллиметр, биіктігі – 1 720 миллиметр, ал дөңгелек базасы 2 786 миллиметрді құрайды.

Көлік 181 аттың күші бар және ең жоғары айналу моменті 280 ньютон-метрді құрайтын 1,5 литрлік турболы бензинді қозғалтқышпен, сондай-ақ қос ілінісуі бар сулы типті жеті сатылы роботталған беріліс қорабымен (7DCT) жабдықталған. Жетегі — алдыңғы (2WD). Сағатына 100 километр жылдамдыққа дейін үдеу 8,4 секундты алады.

Салон жеті орынға есептелген және экотерімен қапталған. Алдыңғы панель сандық аспаптар панелі мен мультимедиалық дисплейді біріктіреді. Климаттық жүйені басқару үшін физикалық батырмалар сақталған.

Барлық жеті орын пайдаланылған кезде жүкбаж көлемі 110 литрді, үшінші қатар бүктелгенде және бес орын пайдаланылғанда 650 литрді құрайды. Екінші және үшінші қатарлар бүктелгенде жүк бөлігінің ең жоғарғы көлемі 1 481 литрге дейін жетеді.

Жүргізуші орындығы алты бағытта электрлі реттеледі. Жарамдауға сондай-ақ жылытылатын көпфункционалды руль дөңгелегі, қажалып қалудан қорғанысы бар қашықтан басқарылатын жүкбаж есігінің электр жетегі, жарық датчигі, электронды тұрақ тежегіші және Auto Hold функциясы кіреді.

Сатудың басталатын күні, жиынтықтамалары мен бағалары әлі белгісіз.

Еске сала кетейік, Changan автокөліктері Қазақстандағы ең кең тарағандардың бірі болып табылады. Елде бұл марканың 92 мыңнан астам бірлігі тіркелген. Осылайша, бренд Қазақстандағы қытайлық маркалардың ішінде ең танымалы болып отыр.