Lexus NX кроссоверінің рестайлингін таныстырды

Lexus екінші буындағы NX компактілі кроссоверінің терең рестайлингін таныстырды. Бірқатар БАҚ мәліметтеріне сәйкес, сатылымның басталуы 2026 жылдың соңында күтіледі, ал Еуропаға автомобиль 2027 жылдың көктеміне қарай жетеді.

Жаңартылған Lexus NX габариттері автомобиль ұзындығынан басқасы өзгеріссіз қалды, ол 30 миллиметрге ұзарып, 4 690 миллиметрге жетті. Кроссовердің ені бұрынғыша 1 865 миллиметрді, биіктігі – 1 660 миллиметрді, дөңгелек базасы – 2 690 миллиметрді құрайды.

Өндіруші кроссовердің үш нұсқасын таныстырды. Олардың барлығы қатарлы төрт цилиндрлі бензинді қозғалтқышпен және электронды басқарылатын сатысыз трансмиссиямен жабдықталған:

• қуаты 300 ат күшін құрайтын екі литрлік моторы бар алдыңғы жетекті Lexus NX. Бұл автомобиль сағатына 100 километрге дейін 9,2 секундта үдейді;
• қуаты 350 ат күшін құрайтын 2,5 литрлік моторы бар алдыңғы жетекті Lexus NX. Бұл автомобиль сағатына 100 километрге дейін 7,8 секундта үдейді;
• қуаты 350 ат күшін құрайтын 2,5 литрлік моторы бар толық жетекті Lexus NX. Бұл автомобиль сағатына 100 километрге дейін 7,1 секундта үдейді;
• қуаты 450 ат күшін құрайтын 2,5 литрлік моторы бар толық жетекті гибридті Lexus NX. Бұл автомобиль сағатына 100 километрге дейін алты секундта үдейді. Тек электр тоғымен жүріс қоры WLTP циклі бойынша 100 километрді құрайды.

Ресми түрде Lexus сатылымның басталатын күнін әлі жариялаған жоқ. Дегенмен, бірқатар БАҚ автомобильдің 2026 жылдың соңында, ал Еуропада келесі жылдың көктемінде дебют жасайтынын хабарлайды.

Еске сала кетейік, Lexus-тың тағы бір гибриді – RX бұл сегментте Қазақстандағы сатылым көшбасшыларының бірі болып табылады.